ಭಟ್ಕಳ: ಉದಯೋನ್ಮುಖ ತಂತ್ರಜ್ಞಾನಗಳ ಮೇಲೆ ಕೇಂದ್ರೀಕರಿಸಿ, ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ , ಮೆಷಿನ್ ಲರ್ನಿಂಗ್, ಮತ್ತು ಡೇಟಾ ಸೈನ್ಸ್  ಎನ್ನುವ ಎರಡು ಹೊಸ ಶಾಖೆಗಳನ್ನು ಪಟ್ಟಣದ ಪ್ರತಿಷ್ಠಿತ ಅಂಜುಮನ್ ಇನ್‍ಸ್ಟಿಟ್ಯೂಟ್ ಆಫ್  ಟೆಕ್ನಾಲಜಿ ಅಂಡ್ ಮ್ಯಾನೇಜ್‍ಮೆಂಟ್(ಎಐಟಿಎಂ)  ಜಿಲ್ಲೆಯಲ್ಲೆ ಮೊದಲ ಬಾರಿಗೆ ಪರಿಚಯಿಸಿದೆ ಎಂದು ಅಂಜುಮನ್ ಹಮೀ-ಎ-ಮುಸ್ಲಿಮೀನ್ ಅಧ್ಯಕ್ಷ‌ ಮುಜಮ್ಮಿಲ್ ಖಾಜಿಯಾ ಹೇಳಿದರು.
ಅವರು ಕಾಲೇಜಿನಲ್ಲಿ ನಡೆದ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದರು. 1980ರಲ್ಲಿ ಆರಂಭವಾದ ಇಂಜೀನೀಯರಿಂಗ್ ಕಾಲೇಜು ಲಕ್ಷಾಂತರ ವಿದ್ಯಾರ್ಥಿಗಳ ಬಾಳಗೆ ಆಶಾಕಿರಣವಾಗಿದೆ. , ಮುಂಬರುವ 2023-24 ಬ್ಯಾಚ್‍ಗಾಗಿ ತನ್ನ ಶೈಕ್ಷಣಿಕ ವರ್ಷದಲ್ಲಿ ಅತ್ಯಾಕರ್ಷಕ ಹೊಸ ಸೇರ್ಪಡೆಗಳನ್ನು ಅನಾವರಣಗೊಳಿಸಿದೆ.  ಈ ಕ್ರಮವು ಡಿಜಿಟಲ್ ಯುಗದಲ್ಲಿ ಉತ್ತಮ ಸಾಧನೆ ಮಾಡಲು ಅಗತ್ಯವಾದ ಕೌಶಲ್ಯಗಳೊಂದಿಗೆ ವಿದ್ಯಾರ್ಥಿಗಳನ್ನು ಸಜ್ಜುಗೊಳಿಸಲು, ಬದ್ಧತೆಯನ್ನು ಪ್ರದರ್ಶಿಸಲು ಸಹಕಾರಿಯಾಗಿದೆ. ವಿದ್ಯಾರ್ಥಿಗಳು ಕೌಶಲ್ಯವನ್ನು ಉಪಯೋಗಿಸಿ ವಿದ್ಯಾಭ್ಯಾಸ ಪಡೆದರೆ ಜಗತ್ತಿನ ಯಾವ ಮೂಲೆಗೆ ತೆರಳಿದರೂ ಅವರಿಗೆ ಬೇಡಿಕೆ ಇರುತ್ತದೆ.  ಮಾಸ್ಟರ್ ಆಫ್ ಕಂಪ್ಯೂಟರ್ ಅಪ್ಲಿಕೇಷನ್ಸ್ 60 ವಿದ್ಯಾರ್ಥಿಗಳ ಆಸನಗಳ ಪರಿವಾನಿಗೆ ಇರುವ ಹೊಸ ಕೋರ್ಸನ್ನು ಈ ವಿದ್ಯಾಲಯ ಈ ಬಾರಿ ಪರಿಚಯಿಸುತ್ತಿದೆ. ಈ ಮೂಲಕ ವಿದ್ಯಾರ್ಥಿಗಳಿಗೆ ಕಂಪ್ಯೂಟರ್ ಅಪ್ಲಿಕೇಶನ್‍ಗಳ ಸಮಗ್ರ ತಿಳುವಳಿಕೆಯನ್ನು ಒದಗಿಸಲು ಮತ್ತು ಈ ಡೊಮೇನ್‍ನಲ್ಲಿ ಅವರ ಪರಿಣತಿಯನ್ನು ಬೆಳೆಸುವ ಗುರಿಯನ್ನು ಹೊಂದಿದೆ.