ಅಂಕೋಲಾ :  ಚಾಲಕನ ನಿಯಂತ್ರಣ ತಪ್ಪಿ ಕಾರು ವಿದ್ಯುತ್ ಟ್ರಾನ್ಸಪಾರ್ಮರ್ ಕಂಬಕ್ಕೆ  ಡಿಕ್ಕಿ ಹೊಡೆದ ಪರಿಣಾಮ ಓರ್ವ ಸಾವನ್ನಪ್ಪಿದ ಘಟನೆ  ಅಂಕೋಲಾದಲ್ಲಿ ಸೋಮವಾರ ನಡೆದಿದೆ. 

ತಾಲೂಕಿನ ಹಾರವಾಡದ ಬಳಿ ಈ ಘಟನೆ ನಡೆದಿದ್ದು,  ಢಿಕ್ಕಿಯಾದ ರಭಸಕ್ಕೆ ಕಾರಿಗೆ ಬೆಂಕಿ ಹೊತ್ತಿಕೊಂಡಿದೆ. ಪರಿಣಾಮವಾಗಿ  ಕಾರಿನಲ್ಲಿದ್ದ  ಓರ್ವ ಸಾವನ್ನಪ್ಪಿದ್ದಾನೆ. ಘಟನೆಯಲ್ಲಿ  
ನಾಲ್ವರು ಗಾಯಗೊಂಡಿದ್ದಾರೆ. 

ಆಂದ್ರಪ್ರದೇಶ ಮೂಲದ ರವಿತೇಜ ಉಪ್ಪಾರ (21) ಮೃತ ದುರ್ದೈವಿ‌. ಕಾರು ಚಾಲಕ ಪವನ , ಬಾಲಚಂದ್ರ ಕೈತಾವರ, ಮೋಹನ ಸಾಯಿ ಹಾಗೂ ಬೊಯೆಜಕುಮಾರ  ಗಾಯಗೊಂಡವರಾಗಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದೆ.

ಮುರ್ಡೇಶ್ವರ ದಿಂದ ಗೋವಾ ಕಡೆ ಐವರು  ಕಾರಿನಲ್ಲಿ ತೆರಳುತ್ತಿದ್ದರು.  ಅತೀ ವೇಗದ ಚಾಲನೆಯಿಂದ  ಅಪಘಾತ ಸಂಭವಿಸಲು ಕಾರಣ ಎನ್ನಲಾಗಿದೆ.  ಅಂಕೋಲಾ ಪೊಲೀಸ್ ಠಾಣೆಯಲ್ಲಿ   ಪ್ರಕರಣ ದಾಖಲಾಗಿದೆ.