ಭಟ್ಕಳ: ಪಟ್ಟಣದ ಅಂಜುಮನ್ ಬಾಲಕಿಯರ ಪ್ರೌಢಶಾಲೆಯ ಸುವರ್ಣ ಮಹೋತ್ಸವ ಸಮಾರಂಭ ಭಾನುವಾರ ಶಾಲಾ ಆವರಣದಲ್ಲಿ ನಡೆಯಿತು. 

‘ಗೋಲ್ಡನ್ ಜ್ಯೂಬಿಲಿ ಲೋಗೋ’ ಅನಾವರಣಗೊಳಿಸುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಲಾಯಿತು. ಲೋಗೋವನ್ನು ವಿದ್ಯಾರ್ಥಿನಿ ಉಲಾ ಅಕ್ರಮಿ ವಿನ್ಯಾಸಗೊಳಿಸಿದ್ದು, ಇದಕ್ಕಾಗಿ ಅವರನ್ನು ಆಡಳಿತ ಮಂಡಳಿಯಿಂದ ಗೌರವಿಸಲಾಯಿತು.

ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದ ತಮಿಳುನಾಡು ಮುಸ್ಲಿಂ ವೃತ್ತಿಪರರ ಸಂಘದ (AMP) ರಾಜ್ಯ ಕಾರ್ಯದರ್ಶಿ ಶಿರೀನ್ ಸುಲ್ತಾನಾ,  ಸುವರ್ಣ ಮಹೋತ್ಸವದಲ್ಲಿ  ಭಾಗವಹಿಸಲು ನನಗೆ ಅಪಾರ ಹೆಮ್ಮೆ ಇದೆ. ಈ ಶಾಲೆಯಿಂದ ಯಾವಾಗಲೂ ಪ್ರತಿಭಾನ್ವಿತ ವಿದ್ಯಾರ್ಥಿಗಳು ಹೊರಬರುತ್ತಿರುವುದು ಶ್ಲಾಘನೀಯ ಎಂದರು.
 
ಮನುಷ್ಯ  ಶಿಕ್ಷಣ ಪಡೆದರೆ ಮಾತ್ರ ಉತ್ತಮ ವ್ಯಕ್ತಿಯಾಗಬಲ್ಲ.‌  ನೀವು ಮಹಿಳೆಗೆ ಶಿಕ್ಷಣ ನೀಡಿದರೆ, ನೀವು ದೇಶಕ್ಕೆ ಶಿಕ್ಷಣ ನೀಡುತ್ತೀರಿ. ಶಿಕ್ಷಣವು ಪ್ರತಿಯೊಬ್ಬ ವ್ಯಕ್ತಿಯ ಜೀವನದ ಅವಿಭಾಜ್ಯ ಅಂಗವಾಗಿದೆ ಆದರೆ ಹುಡುಗಿಯರು ಶಿಕ್ಷಣ ಪಡೆದಾಗ, ದೇಶಗಳು ಬಲಿಷ್ಠವಾಗುತ್ತವೆ ಮತ್ತು ಸಮೃದ್ಧವಾಗುತ್ತವೆ ಎಂದು ಅವರು ಹೇಳಿದರು. 

 ಮೊಬೈಲ್ ಫೋನ್ಗಳನ್ನು ಸೀಮಿತವಾಗಿ ಬಳಸಿ. ಆದರೆ ನಾವು ಅದನ್ನು ಜ್ಞಾನ ಅಥವಾ ನಮ್ಮ ಜೀವನದಲ್ಲಿ ಪ್ರಗತಿಗಾಗಿ ಬಳಸಬೇಕು. 

ಗೌರವ ಅತಿಥಿಯಾಗಿ ಉಪಸ್ಥಿತರಿದ್ದ, ಕೇರಳದ ಕೋಝಿಕ್ಕೋಡ್‌ನ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಹಳೆವಿದ್ಯಾರ್ಥಿ ಮತ್ತು ಚರ್ಮರೋಗ ವಿಭಾಗದ ಪ್ರಾಧ್ಯಾಪಕಿ ಡಾ.ರಹೀಮಾ ಮಾತನಾಡಿ, "ಶಾಲೆಯು 50 ನೇ ವರ್ಷಕ್ಕೆ ಕಾಲಿಟ್ಟಿರುವ ಈ ವರ್ಷವು ಅತ್ಯಂತ ವಿಶೇಷವಾಗಿದೆ. ಈ ಶಾಲೆಯು ನನ್ನ ಅವಿಭಾಜ್ಯ ಅಂಗವಾಗಿದೆ. 1985 ರಲ್ಲಿ ಈ ಶಾಲೆ ಸೇರಿ ಇಲ್ಲಿ ನನ್ನ ಅಧ್ಯಯನವನ್ನು ಪೂರ್ಣಗೊಳಿಸಿದೆ. ಭಟ್ಕಳದ ಹುಡುಗಿಯರು ತುಂಬಾ ಪ್ರತಿಭಾವಂತರು, ನಾವೆಲ್ಲರೂ ಕನಸುಗಳನ್ನು ಹೊಂದಿರಬೇಕು ಮತ್ತು ಗುರಿಯನ್ನು ಹೊಂದಬೇಕು. ಅಂದರೆ ಮಾತ್ರ  ಹುಡುಗಿಯರು ಜೀವನದಲ್ಲಿ ಏನನ್ನಾದರೂ ಸಾಧಿಸಬಹುದು" ಎಂದು ಅವರು ಹೇಳಿದರು. 

ವರ್ಷದ ಅತ್ಯುತ್ತಮ ವಿದ್ಯಾರ್ಥಿಗಳು: 
 2020-21ನೇ ಸಾಲಿಗೆ ‘ಬಟೂಲ್-ಎ-ಅಂಜುಮನ್’ ಪ್ರಶಸ್ತಿಯನ್ನು ಸಾನಿಯಾ ಮೊಹಮ್ಮದ್ ಇಕ್ಬಾಲ್ ಸಿದ್ದಿಬಾಪಾ ಮತ್ತು 2021-22ನೇ ಸಾಲಿನಲ್ಲಿ ಶೇಖ್ ಸನಾ ಶೇಖ್ ಜುಬೈರ್ ಅವರಿಗೆ ನೀಡಲಾಯಿತು.

 2020-21 ಮತ್ತು 2021-22 ನೇ ಸಾಲಿನ ಪ್ರತಿಷ್ಠಿತ ವಿದ್ಯಾರ್ಥಿಗಳಿಗೆ ಬೆಳ್ಳಿ ಪದಕಗಳನ್ನು ಸಾಜಿದಾ ಮೊಹಮ್ಮದ್ ನಿಸಾರ್ ಶೇಖ್, ಮಮಾಜುನಿ ಅರೀನ್ ಮೊಹಮ್ಮದ್ ಅನ್ಸಾರ್, ಖೈರುನ್ನಿಸಾ ಹನೀನ್  ಫೈಯಾಜ್ ಅಹ್ಮದ್ ಜುಶದ್ದಿ ಮತ್ತು ಜಮೀರಾ ಬಾನು  ಅವರಿಗೆ ನೀಡಲಾಯಿತು.

ಅಂಜುಮನ್ ಹಮೀ-ಎ-ಮುಸ್ಲಿಮೀನ್ ಮಹಿಳಾ ಸಲಹಾ ಸಮಿತಿಯ ಅಧ್ಯಕ್ಷೆ ಸೀಮಾ ಕಾಸಿಮಿಜಿಯವರ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕ್ರಮವು ಆಯಿಷಾ ಸನಾ ಉದ್ಯಾವರ ಅವರ ಪವಿತ್ರ ಕುರಾನ್ ಪಠಣದೊಂದಿಗೆ ಪ್ರಾರಂಭವಾಯಿತು. ನಂತರ ಹಾಜಿರಾ ಸಫ್ಫಾನಾ ಉದ್ಯಾವರ ಅವರಿಂದ ನಾತ್ ಹಾಡಲಾಯಿತು. , ಝೈನಾಬ್ ತೋನ್ಸೆ ಮತ್ತು ತಂಡದಿಂದ ಅಂಜುಮನ್ ಗೀತೆ ಹಾಡಲಾಯಿತು.

 ಮುಖ್ಯೋಪಾಧ್ಯಾಪಕಿ ಅತಿಯಾ ಎಜಿ ತಮ್ಮ ಶಾಲೆಯ ವಾರ್ಷಿಕ ವರದಿಯನ್ನು ಮಂಡಿಸಿದರು. ಆಸಿಯಾ ಎಜಿ ಸ್ವಾಗತಿಸಿ ಅತಿಥಿಗಳನ್ನು ಪರಿಚಯಿಸಿದರು. ಅಂಜುಮಾನ್ ಇತಿಹಾಸವನ್ನು ತಬಸ್ಸುಮ್ ಶೇಖ್ ವಿವರಿಸಿದರು. ಶಿಫಾನಾ ರಿಯಾಝ್ ವಂದಿಸಿದರು.

 ವೇದಿಕೆಯಲ್ಲಿ ಅಂಜುಮನ್ ಮಹಿಳಾ ಪದವಿ ಕಾಲೇಜು ಪ್ರಾಂಶುಪಾಲೆ ರೈಸಾ ಶೇಖ್, ಅಂಜುಮನ್ ಪಿಯು ಕಾಲೇಜು ಪ್ರಾಂಶುಪಾಲೆ ಡಾ. ಫರ್ಜಾನಾ ಮೊಹತೇಶಾಂ, ಸಾದಿಕಾ ಕಾಜಿಯಾ, ರುಕ್ಕಯ್ಯ ಮುಅಲ್ಲಿಂ, ಅಂಜುಮನ್ ಬಾಲಕಿಯರ ಪ್ರೌಢಶಾಲೆ ನವಾಯತ್ ಕಾಲೋನಿ ಮುಖ್ಯೋಪಾಧ್ಯಾಪಕಿ ಸಾಬಾ ದಾಮದ, ನಜೀಬಾ ಖಾನಂ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.