ಭಟ್ಕಳ: ಕರ್ನಾಟಕದ ಕರಾವಳಿ ತೀರದಲ್ಲಿರುವ ಭಟ್ಕಳದಲ್ಲೀಗ ಕುಡಿಯುವ ನೀರಿಗಾಗಿ ಹಹಾಕಾರ ನಡೆಯುತ್ತಿದೆ. ಇಲ್ಲಿನ ತಾಪಮಾನವು 30 ಡಿಗ್ರಿ ಸೆಲ್ಸಿಯಸ್ಗಿಂತ ಹೆಚ್ಚಿದ್ದು, ಈ ಪ್ರದೇಶದಲ್ಲಿ ನೀರಿನ ಕೊರತೆಯನ್ನು ಉಲ್ಬಣಗೊಳಿಸಿದೆ.
ಈ ಬಿಕ್ಕಟ್ಟಿನಿಂದ ಜನಸಾಮಾನ್ಯರನ್ನು ಹೊರತರಲು ಹಲವಾರು ಸಾಮಾಜಿಕ ಸಂಸ್ಥೆಗಳು ಮತ್ತು ಯುತ್ ಫೆಡರೇಷನ್ ನ ಯುವಕರು, ಚುನಾಯಿತ ಪ್ರತಿನಿಧಿಗಳು, ಜೊತೆಗೆ ತಾಲೂಕಾಡಳಿತ ಎಲ್ಲ ರೀತಿಯಿಂದಲೂ ಶ್ರಮಿಸುತ್ತಿದ್ದಾರೆ.
ಭಟ್ಕಳ ಮತ್ತು ಕರ್ನಾಟಕದ ಕರಾವಳಿ ಪ್ರದೇಶಗಳು ಹೆಚ್ಚುತ್ತಿರುವ ತಾಪಮಾನವನ್ನು ಅನುಭವಿಸುತ್ತಿವೆ, ನೀರಿನ ಕೊರತೆಯ ಸಮಸ್ಯೆಯನ್ನು ತೀವ್ರಗೊಳಿಸುತ್ತಿದೆ, ನೀರಿನ ಸಂಪನ್ಮೂಲಗಳನ್ನು ಗಣನೀಯವಾಗಿ ತಗ್ಗಿಸುತ್ತಿದ್ದು ಇದರಿಂದಾಗಿ ಜನಸಾಮಾನ್ಯರ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರುತ್ತಿದೆ.
ಭಟ್ಕಳದಲ್ಲಿ ಜಾತಿ ಧರ್ಮ, ಭಾಷೆ ಯಾವುದನ್ನು ಲೆಕ್ಕಿಸದೆ ಇಲ್ಲಿನ ಸಾಮಾಜಿಕ ಸಂಘ ಸಂಸ್ಥೆಗಳು, ಕ್ರೀಡಾ ಸಂಘಟನೆಗಳು ಸಾರ್ವಜನಿಕರ ಸಹಾಯಕ್ಕೆ ಬಂದು ನಿಂತುಕೊಂಡಿದ್ದು ನಿಜವಾಗಿಯೂ ಅವರನ್ನು ಜನರು ಕೃತಜ್ಞತೆ ಹೇಳುತ್ತಿದ್ದಾರೆ. ಭಟ್ಕಳದಲ್ಲಿ ನೀರಿನ ತೀವ್ರ ಅಭಾವವಿರುವುದು ನಿಜ, ಆದರೆ ಸರ್ಕಾರವು ಟ್ಯಾಂಕರ್ ಮೂಲಕ ಕೆಲವು ಪ್ರದೇಶಗಳಲ್ಲಿ ಎರಡು ದಿನಕ್ಕೊಮ್ಮೆ ನೀರು ಸರಬರಾಜು ಮಾಡುತ್ತದೆ. ಆದಾಗ್ಯೂ, ಸಾಮಾಜಿಕ ಸಂಸ್ಥೆಗಳು ಮತ್ತು ಕ್ರೀಡಾ ಕೇಂದ್ರಗಳು ಸಂಘಟಿತರಾಗಿ ಪ್ರತಿ ಮನೆಯನ್ನು ತಲುಪಿ ನೀರು ಸರಬರಾಜು ಮಾಡುತ್ತಿವೆ. ಇದರಿಂದಾಗಿ ಸರ್ಕಾರಕ್ಕೂ ಹೊರೆ ಕಡಿಮೆಯಾದಂತಾಗಿದೆ.
ಅನಿವಾಸಿ ಭಾರತೀಯರ ಒಕ್ಕೂಟವಾಗಿರುವ ರಾಬಿತಾ ಸೊಸೈಟಿ ನೀರಿನ ಬಿಕ್ಕಟ್ಟನ್ನು ಪರಿಹರಿಸುವಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದೆ. ಸಮುದಾಯದ ಸಮಸ್ಯೆಗಳನ್ನು ಪರಿಹರಿಸಲು ಮತ್ತು ಹಿಂದೂ-ಮುಸ್ಲಿಂ ಭಾವೈಕ್ಯತೆಯನ್ನು ಬೆಳೆಸಲು ಸಂಸ್ಥೆಯು ಸಮರ್ಪಿತವಾಗಿದೆ. ಭಟ್ಕಳದಾದ್ಯಂತ ವಿವಿಧೆಡೆ ಮನೆ-ಮನೆಗೆ ನೀರು ಸರಬರಾಜು ಮಾಡುವ ಕಾರ್ಯ ಕೈಗೊಂಡಿರುವುದಾಗಿ ರಾಬಿತಾ ನೀರು ಸರಬರಾಜು ತಂಡದ ಪ್ರಭಾರಿ ಅಬ್ದುಲ್ ಸಮಿ ಕೋಲಾ ತಿಳಿಸಿದ್ದಾರೆ. ಶಿರಾಲಿ, ನಸ್ತಾರ್, ಮುಂಡಳ್ಳಿ, ಗುಡ್ ಲಕ್ ರೋಡ್, ಅಲಿಮಿಯನ್ ಕಾಲೋನಿ, ಗಜಾನಂದ ಸ್ಟ್ರೀಟ್, ಕಾರ್ಗೆದ್ದೆ ಮುಂತಾದ ಪ್ರದೇಶಗಳು ಮತ್ತು ಹಳೆಯ ಮೊಹಲ್ಲಾಗಳಾದ ಗೌಸಿಯಾ ಸ್ಟ್ರೀಟ್, ತಕಿಯಾ ಸ್ಟ್ರೀಟ್ ಮತ್ತು ಆಳ್ವಾ ಸ್ಟ್ರೀಟ್ಗಳು ಅವರ ಪ್ರಯತ್ನದಿಂದ ಪ್ರಯೋಜನ ಪಡೆದಿವೆ. ರಾಬಿತಾ ವಾಟರ್ ವಾಹನವು ದಿನಕ್ಕೆ ಆರರಿಂದ ಏಳು ಟ್ರಿಪ್ಗಳಷ್ಟು ನೀರನ್ನು ವಿತರಿಸುತ್ತಿದೆ. ಪ್ರತಿ ಟ್ರಿಪ್ಗೆ 4,000 ಲೀಟರ್ ನಂತೆ ಸರಿಸುಮಾರು 20 ದಿನಗಳಿಂದ ನೀರಿನ ಪೂರೈಕೆಯನ್ನು ಮಾಡುತ್ತಿದೆ. ಉಳಿಸಿಕೊಂಡಿದೆ.
ಭಟ್ಕಳದಲ್ಲಿ ನೀರಿನ ಅಭಾವವಿರುವ ಎಲ್ಲ ಪ್ರದೇಶಗಳಿಗೆ ಧರ್ಮ, ಜಾತಿ ಬೇಧವಿಲ್ಲದೆ ನೀರು ಒದಗಿಸಲಾಗುತ್ತಿದೆ. ಒಂದು ವೇಳೆ ಯಾವುದೇ ಪ್ರದೇಶದಲ್ಲಿ ನೀರಿನ ಅಗತ್ಯವಿದ್ದಲ್ಲಿ ಮೊಬೈಲ್ ಸಂಖ್ಯೆ 8971918484 ಅವರನ್ನು ಸಂಪರ್ಕಿಸಿದರೆ ಆ ಪ್ರದೇಶಕ್ಕೆ ರಾಬಿತಾ ಸಂಸ್ಥೆಯು ನೀರಿನ ಟ್ಯಾಂಕರ್ ಕಳುಹಿಸುತ್ತಿದೆ ಎಂದು ಸಮಿ ಕೋಲಾ ಮಾಹಿತಿ ನೀಡಿದ್ದಾರೆ.
ಲಬ್ಬೈಕ್ ನವಾಯತ್ ಅಸೋಸಿಯೇಶನ್ ಅಧ್ಯಕ್ಷ ರಯೀಸ್ ರುಕ್ನುದ್ದೀನ್ ಮಾತನಾಡಿ, ತಮ್ಮ ಸಂಸ್ಥೆಯು ಪ್ರತಿ ಟ್ರಿಪ್ಗೆ 2,000 ಲೀಟರ್ ನೀರು ಪೂರೈಸುತ್ತಿದೆ. ಅವರ ವಾಹನವು ದಿನಕ್ಕೆ ಹತ್ತಕ್ಕೂ ಹೆಚ್ಚು ಟ್ರಿಪ್ಗಳನ್ನು ಮಾಡುತ್ತದೆ, ಕಿದ್ವಾಯಿ ರಸ್ತೆ, ಮೌಲಾನಾ ಆಜಾದ್ ರಸ್ತೆ, ಮಣಕುಳಿ, ಗುಲ್ಮಿ, ಉಸ್ಮಾನ್ ನಗರ, ಬಸ್ತಿ ರಸ್ತೆ ಮತ್ತು ಹಳೆಯ ಬಸ್ ನಿಲ್ದಾಣ ಪ್ರದೇಶದಲ್ಲಿ ನೀರು ಸರಬರಾಜು ಸೇವೆ ನಡೆಯುತ್ತಿದೆ. ಜನರ ಧಾರ್ಮಿಕ ಅಥವಾ ಸಾಂಸ್ಕೃತಿಕ ಹಿನ್ನೆಲೆಯನ್ನು ಲೆಕ್ಕಿಸದೆ ಎಲ್ಲಾ ವ್ಯಕ್ತಿಗಳಿಗೆ ಇವರ ನೀರು ಸೇವೆ ಲಭ್ಯವಿದೆ ಎಂದು ಹೇಳುತ್ತಾರೆ.
ಹನೀಫ್ ಅಬಾದ್ ವೆಲ್ಫೇರ್ ಅಸೋಸಿಯೇಷನ್ (ಎಚ್ಡಬ್ಲ್ಯೂಎ), ಆಜಾದ್ ನಗರ ಫ್ರೆಂಡ್ಸ್ ಅಸೋಸಿಯೇಷನ್ (ಅನಫಾ), ಬಿನ್ ಅಲಿ ಅಸೋಸಿಯೇಷನ್, ಶಾಹೀನ್ ಮಕ್ದೂಮ್ ಸ್ಪೋರ್ಟ್ಸ್ ಸೆಂಟರ್, ಕೆಲವರು ವಯಕ್ತಿಕವಾಗಿಯೂ ತಮ್ಮ ತಮ್ಮ ಪ್ರದೇಶಗಳಲ್ಲಿ ಮನೆ-ಮನೆಗೆ ನೀರು ಸರಬರಾಜು ಮಾಡುತ್ತಿವೆ.
ಬಿನ್ ಅಲಿ ಅಸೋಸಿಯೇಷನ್ ಬ್ಯಾನರ್ ಅಡಿಯಲ್ಲಿ ಚೌತನಿ, ಬಂದರ್ ರಸ್ತೆ, ಘೌಸಿಯಾ ಸ್ಟ್ರೀಟ್, ಉಮರ್ ಸ್ಟ್ರೀಟ್, ಕಾರ್ಗೆದ್ದೆ ಮುಂತಾದ ಪ್ರದೇಶಗಳಿಗೆ ನೀರು ಸರಬರಾಜು ಮಾಡುತ್ತಿದ್ದೇವೆ ಎಂದು ಮಹಮ್ಮದ್ ನಸಿಫ್ ಖಲೀಫಾ ಮತ್ತು ಮುಸ್ತಫಾ ಅಸ್ಕಿರಿ ಮಾಹಿತಿ ನೀಡಿದ್ದಾರೆ.
ಹೆಚ್ಡಬ್ಲ್ಯೂಎ ಸಂಸ್ಥೆಯು ಹನೀಫ್ ಅಬಾದ್, ಕುಕನೀರ್, ಮುನಿರಿ ಮಸೀದಿ ಪ್ರದೇಶ ಮತ್ತು ರೆಹಮತ್ ಅಬಾದ್ ಸೇರಿದಂತೆ ಹೆಬ್ಳೆ ಪ್ರದೇಶದಲ್ಲಿ ನೀರಿನ ಕೊರತೆಯ ಸಮಸ್ಯೆಯನ್ನು ಸಕ್ರಿಯವಾಗಿ ಪರಿಹರಿಸಿದೆ, ಆದರೆ ಅನಫಾ ಭಟ್ಕಳದ ಆಜಾದ್ ನಗರ ಮತ್ತು ಜಾಲಿ ಪ್ರದೇಶಗಳಿಗೆ ನೀರು ಸರಬರಾಜು ಮಾಡುತ್ತಿದೆ.
ಘೌಸಿಯಾ ಸ್ಟ್ರೀಟ್, ಶಾಜ್ಲಿ ಸ್ಟ್ರೀಟ್, ತಕಿಯಾ ಸ್ಟ್ರೀಟ್, ಆಳ್ವಾ ಸ್ಟ್ರೀಟ್, ಮುಷ್ಮಾ ಸ್ಟ್ರೀಟ್, ಶೌಕತ್ ಅಲಿ ರಸ್ತೆ, ಫಾರೂಕಿ ಸ್ಟ್ರೀಟ್, ಚೌತನಿ, ಮುಗಳಿಹೊಂಡ, ಮತ್ತು ಮುಖ್ಯರಸ್ತೆ ಸೇರಿದಂತೆ ನೀರಿನ ಅಭಾವವಿರುವ ಪ್ರದೇಶಗಳಿಗೆ ಟ್ಯಾಂಕರ್ಗಳ ಮೂಲಕ ನೀರು ಸರಬರಾಜು ಮಾಡಲಾಗುತ್ತಿದೆ. ಈ ಪ್ರಯತ್ನಗಳನ್ನು ರಾಬಿತಾ