ಸುಳ್ಯ, ಮಾ.೧೩: ಈಗಾಗಲೇ ಅಡಿಕೆಗೆ ನೀಡು ತ್ತಿರುವ ಬೆಂಬಲ ಬೆಲೆ ಬೆಳೆಗಾರರಿಗೆ ಸಮರ್ಪ ಕವಾಗಿ ಸಿಗುತ್ತಿಲ್ಲ ಮತ್ತು ಸಿಗುವ ಬೆಂಬಲ ಬೆಲೆಯೂ ಸಾಲದು ಎಂದು ಆರೋಪಿಸಿ ರುವ ರೈತರು ತಮ್ಮ ಬೇಡಿಕೆಗಳ ಈಡೇರಿಕೆಗೆ ಹೋರಾಟದ ಹಾದಿ ಹಿಡಿದಿದ್ದಾರೆ.

ಶನಿವಾರ ಸುಳ್ಯ ಟಿ‌ಎಪಿಸಿ‌ಎಂಎಸ್ ಸಭಾಂಗಣದಲ್ಲಿ ನಡೆದ ರಾಜಕೀಯ ಧುರೀಣರು, ರೈತ ಮುಖಂಡರು ಮತ್ತು ಅಡಿಕೆ ಬೆಳೆಗಾರರ ಸಭೆಯಲ್ಲಿ ಈ ಕುರಿತು ನಿರ್ಧಾರ ತೆಗೆದುಕೊಳ್ಳಲಾಯಿತು. ಈ ಸಂದರ್ಭ ಅಡಿಕೆ ಬೆಳೆಗಾರರ ಹಿತರಕ್ಷಣಾ ವೇದಿಕೆ ರಚಿಸಲಾಯಿತು.

ಮಾ.೨೯ರಂದು ಪುತ್ತೂರಿನಲ್ಲಿ ಹಕ್ಕೊತ್ತಾಯ ಮಂಡನೆಗೆ ನಡೆಯಲಿರುವ ಬೃಹತ್ ಪ್ರತಿ ಭಟನೆಯಲ್ಲಿ ಸುಳ್ಯದಿಂದ ಸಾವಿರಾರು ರೈತರನ್ನು ಸಂಘಟಿಸಿ ಭಾಗವಹಿಸುವುದೆಂದು ನಿರ್ಧರಿಸಲಾಯಿತು.

ಕ್ಯಾಂಪ್ಕೊ ವಿರುದ್ಧ ಆಕ್ರೋಶ: ಸಭೆ ಯಲ್ಲಿ ಮಾತನಾಡಿದ ಪುತ್ತೂರು ಸ್ವಾಭಿಮಾನಿ ವೇದಿಕೆಯ ಮುಖಂಡ ಅಣ್ಣಾ ವಿನಯಚಂದ್ರ, ಅಡಿಕೆಧಾರಣೆ ದಿನೆ ದಿನೇ ಕಡಿಮೆಯಾಗು ತ್ತಿದೆ. ಬೆಳೆಗಾರರ ಹಿತರಕ್ಷಣೆಗಾಗಿಯೇ ಆರಂಭಗೊಂಡಿದ್ದ ಕ್ಯಾಂಪ್ಕೊ ಮಾರವಾಡಿ ಗಳ ಕೈಗೊಂಬೆಯಾಗಿದೆ ಎಂದು ಆರೋ ಪಿಸಿದರು.

ಸಿಪಿಸಿ‌ಆರ್‌ಐ ವರದಿಯಲ್ಲಿ ಅಡಿಕೆಯ ರಕ್ಷಣೆ, ನಿರ್ವಹಣೆ ಮುಂತಾದ ವೆಚ್ಚಗಳು ಸೇರಿಲ್ಲ. ಇವೆಲ್ಲ ಸೇರಿದರೆ ಅಡಿಕೆಗೆ ಕೆ.ಜಿ.ವೊಂದಕ್ಕೆ ೯೦ರಿಂದ ೧೦೦ ರೂ. ಸಿಗಬೇಕು ಎಂದು ಸಿಪಿಸಿ‌ಆರ್‌ಐನವರೇ ಹೇಳುತ್ತಾರೆ ಎಂದು ಅವರು ಸಭೆಯಲ್ಲಿ ಬಹಿರಂಗಪಡಿಸಿದರು.